feed-image

Top Stories

ભારતના ઉદ્યોગપતિ મુકેશ અંબાણી દુનિયાના સૌથી ધનિક વ્યક્તિઓની યાદીમાં વીસમા ક્રમાંકે આવી ગયા છે. હવે મુકેશ અંબાણીની સંપત્તિ 31.3 અબજ ડોલર એટલે કે 2010.09 અબજ રૂપિયાની થઈ છે. એક અહેવાલ મુજબ, ખનીજતેલ અને ગેસ ઈન્ડસ્ટ્રીના બેતાજ બાદશાહ અંબાણીની સંપત્તિમાં ગત બે માસમાં લગભગ 10 અબજ ડોલરનો વધારો થયો છે. આ અહેવાલ પ્રમાણે, ફોર્બ્સે માર્ચ મહીનામાં 2017ની સૌથી ધનિક વ્યક્તિઓની યાદી જાહેર કરી હતી.

જમ્મુ-કાશ્મીરના પુલવામા ખાતે સેના કેમ્પ પર થયેલા આતંકી હુમલામાં ઘાયલ ત્રણ જવાનોના પાર્થિવ દેહને ગાર્ડ ઓફ ઓનર આપવામાં આવ્યા.

2008ના માલેગાંવ વિસ્ફોટ કેસમાં બોમ્બે હાઈકોર્ટ દ્વારા જામીન અરજી નામંજૂર થયા બાદ લેફ્ટિનેન્ટ કર્નલ પ્રસાદ શ્રીકાંત પુરોહિતે સુપ્રીમ કોર્ટમાં જામીન અરજી દાખલ કરી છે. આ મામલામાં બોમ્બે હાઈકોર્ટે એક અન્ય આરોપી સાધ્વી પ્રજ્ઞાસિંહ ઠાકુરને જામીન આપ્યા હતા.

ઈન્ડોનેશિયાની મહિલા મૌલવીઓએ બાળલગ્નોની સમસ્યા નાબૂદ કરવા સહીતના વિભિન્ન મુદ્દાઓ પર ઘણાં ફતવા જાહેર કર્યા છે. મુસ્લિમ બહુમતી ધરાવતા ઈન્ડોનેશિયામાં મહિલાઓ દ્વારા મુખ્ય ધાર્મિક ભૂમિકા પોતાના હાથમાં લેવાની બાબત ઈસ્લામિક જગતમાં દુર્લભ ઉદાહરણ ગણાય છે.

અશાંત બલૂચિસ્તાનની ઈરાનના સિરસ્તાન સાથેની સરહદે આતંકવાદીઓ દ્વારા થયેલા ફાયરિંગમાં આઠ ઈરાની બોર્ડર ગાર્ડ્સના મોત નીપજ્યા છે. મિર્જવેહ ખાતે થયેલા ફાયરિંગમાં અન્ય ચાર ઈરાની બોર્ડર ગાર્ડ્સ ઘાયલ થયા છે.

જર્મનીમાં આતંકવાદી હુમલા રોકવાના ઈરાદે મુસ્લિમ મહિલાઓ દ્વારા પહેરવામાં આવતા બુરખા પર આંશિક પ્રતિબંધને મંજૂરી આપી દેવામાં આવી છે. તેના સિવાય સુરક્ષા સાથે જોડાયેલા અન્ય કેટલાંક ઉપાયોને પણ જર્મનીની સરકારે મંજૂરી આપી છે. આ નવા કાયદાઓને મંજૂરી સપ્ટેમ્બર માસમાં થનારી ચૂંટણી અને જર્મનીમાં આતંકવાદી હુમલાઓને ધ્યાનમાં રાખીને આપવામાં આવી છે.