feed-image

Top Stories

ઇંગ્લેન્ડ ટીમના ઓપનર એલેક્સ હેલ્સ ભારત સામે રમાયેલી બીજી વન ડેમાં ડાબા હાથમાં ઇજાના કારણે ભારત પ્રવાસમાંથી હટી ગયો છે અને સ્વદેશ પરત ફરશે. જ્યારે ઇંગ્લેન્ડની ટ્વેન્ટી-20 ટીમમાં જોની બેયરસ્ટોને સામેલ કરાયો છે.

ટીમ ઇન્ડિયાના ઝડપી બોલર ભુવનેશ્વર કુમારનું માનવું છે કે, ડેથ ઓવરોમાં સારી બોલિંગનો શ્રેય આઇપીએલ લીગને આપુ છુ અને ત્રીજી વન ડેમાં ઇંગ્લેન્ડ સામે ટીમ દબાણ વગર ઉતરશે.

વિશ્વની પૂર્વ નંબર એક ખેલાડી સાઇના નહેવાલે સત્રના પ્રથમ મલેશિયા માસ્ટર્સ ગ્રાં પ્રી ગોલ્ડ બેડમિન્ટનની મહિલા સિંગલની ફાઇનલમાં પ્રવેશ કર્યો છે.

જીતેન્દ્રના શાનદાર પ્રદર્શનની મદદથી પંજાબ રોયલ્સે ગુરુવારે પ્રો કુશ્તી લીગના બીજા સત્રનો ખિતાબ પોતાના નામે કર્યો હતો. પંજાબે ફાઇનલમાં હરિયાણા હૈમર્સને 5-4થી હરાવી ખિતાબ પોતાના નામે કર્યો હતો. હરિયાણા સતત બીજી વખત ફાઇનલમાં પહોંચી ખિતાબથી ચૂક્યું છે. હરિયાણા પહેલા સત્રમાં મુંબઇ ગરુડ સામે ફાઇનલમાં હાર્યું હતું.

દક્ષણ આફ્રિકાના દિગ્ગજ બેટસમેન એબી ડીવિલિયર્સ ઇંગ્લેન્ડ અને બાંગ્લાદેશ સામે રમાનાર સિરીઝમાંથી બહાર થઇ જતાં ટીમને મોટો ઝટકો લાગ્યો છે.

ચિરાગ ગાંધી(136 રન)ની અણનમ સદીની મદદથી ગુજરાતે શુક્રવારે ઇરાની ટ્રોફીના પ્રથમ દિવસે રેસ્ટ ઓફ ઇન્ડિયા(શેષ ભારત) સામે પોતાની મજબૂત શરૂઆત કરી છે. ગુજરાતે પ્રથમ દિવસના અંતે 88 ઓવરમાં 8 વિકેટ ગુમાવી 300 રન બનાવ્યા છે.

ઇંગ્લેન્ડ સામે 30 જાન્યુઆરીથી શરૂ થનાર પાંચ વન ડે મેચની સિરીઝ માટે ભારત અન્ડર-19 ક્રિકેટ ટીમની જાહેરાત કરવામાં આવી છે. 18 સભ્યોની આ ટીમમાં ગુજરાતના હેત પટેલ અને મુંબઇના પૃથ્વી શોનો સમાવેશ કરાયો છે. ઉપરાંત કેટલાક નવા ચહેરાઓને સામેલ કરાયા છે, જેઓ ગત વર્ષે ડિસેમ્બરમાં યુથ એશિયા કપમાં રમ્યા હતા.

ભારતના હાથે કટકમાં બીજી વન ડે મેચમાં હારનો સામનો કરી વન ડે સિરીઝ ગુમાવનાર ઇંગ્લેન્ડની ટીમેને વધુ એક ઝટકો લાગ્યો છે. સ્લો ઓવરના કારણે આઇસીસીએ ઇંગ્લેન્ડની ટીમને દંડ ફટકાર્યો છે.

કટકમાં રમાયેલી બીજી વન ડે મેચમાં ઇંગ્લેન્ડને 15 રને હરાવી શાનદાર જીત મેળવવા છતાં ટીમ ઇન્ડિયાના નવનિયુક્ત કપ્તાન વિરાટ કોહલી નાખુશ લાગતો હતો. મહત્વનું છે કે, કોહલીએ તેની કપ્તાનીમાં આ પ્રથમ વન ડે સિરીઝ જીતી છે. ઉલ્લેખનીય છે કે, આ મેચમાં કોહલી ફ્લોપ સાબિત થયો હતો. ત્યાર બાદ યુવરાજ સિંહ અને મહેન્દ્રસિંહ ધોનીની સદીની મદદથી ટીમે 50 ઓવરમાં છ વિકેટ ગુમાવી 681 રન બનાવ્યા હતા. 

કેન્સર સામે સંર્ઘષ બાદ યુવરાજ સિંહે એક સમયે ક્રિકેટને અલવિદા કરવા વિશે વિચાર્યું હતું. જો કે, 3 વર્ષ બાદ વન ડે ટીમમાં વાપસી કરનાર યુવરાજે કટકમાં ઇંગ્લેન્ડ સામે બીજી વન ડેમાં 150 રન ફટકાર્યા બાદ પોતાના દિલની વાત કરી હતી. યુવરાજે કહ્યું હતું કે, તે આંતરરાષ્ટ્રીય ક્રિકેટમાંથી નિવૃત્ત થવા વિશે વિચારી રહ્યો હતો. પરંતુ, વિરાટ કોહલીએ મને આવું કરતા રોકયો અને મારા પર વિશ્વાસ વ્યક્ત કર્યો હતો.